Brúsar með stút fyrir súkkulaði, krem og glassúr – 60 ml – 2 stk

2 brúsar í pakka. Tveir tappar fylgja með svo hægt er að loka brúsunum.

Það er frábært að nota brúsann til þess að hella súkkulaði í mót. Þú losnar við allt óþarfa vesen við að nota sprautupoka og þar sem brúsinn er allur úr plasti má setja hann í örbylgjuofn til þess að skerpa á súkkulaði, kremi eða glassúr ef það er byrjað að stífna. Það er hægt að láta afgangssúkkulaði harðna í brúsanum og bræða það upp aftur með því að setja hann í volgt vatn eða inn í örbylgjuofn.

Allir venjulegir sprautustútar passa á brúsann. Hægt er að fá auka stúta og stútahaldara á brúsann.

Leiðbeiningar: Skrúfið stútinn af brúsanum, hellið súkkulaði, kremi eða glassúr í hann og lokið aftur. Setjið sprautustút á brúsann og festið með plasthringnum. Sprautið súkkulaði í mót eða notið brúsann til þess að skreyta smákökur, kökur ofl. Það er hægt að hafa lítið eða stórt gat eftir því hvaða stútur er notaður. Frekar fínn stútur fylgir með brúsanum.

Það er frábært að nota sprauturnar til þess að gera súkkulaðimola í mörgum litum. Ef það á að gera marglit stykki, litið hvítt súkkulaði t.d. rautt og sprautið í mótin þar sem rauði liturinn á að vera. Búið til annan lit og sprautið í mótin. Þegar því er lokið er fyllt upp í mótið með hvítu súkkulaði (eða þeim lit sem þú vilt).

Stærð: 60 ml.