Isomaltkristallar – CK – 454 g

Isomaltkristallarnir eru notaðir í brjóstsykur, konfekt og bakstur. Isomalt er um helmingi minna sætt en sykur og hefur aðeins 200 kaloríur í 100 grömmum.

Hreint isomalt er mikið notað af kokkum og kökuskreytingafólki til þess að búa til sykurskreytingar. Isomalt helst seigt engur en sykur og því er hægt að vinna meira með það áður en það harðnar alveg. Það verður miklu síður klístrað í raka og það kristallast ekki með tímanum líkt og sykur. Það er hægt að ná isomaltinu alveg glæru og tæru.

Það er hægt að bragðbæta isomalt með sterku bragðefnunum frá LorAnn Oils. Notið eina 3,7 ml. flösku í um 500 grömm af isomalti. Isomalt hentar fyrir sykursjúka.

Leiðbeiningar:

Notið 4 hluta af isomalti á móti 1 hluta af vatni. Setjið vatn og isomalt í pott og sjóðið á meðalháum hita og hrærið í þar til allir kristallarnir eru bráðnaðir. Setjið lokið á pottinn og sjóðið í 4 mínútur. Takið lokið af pottinum og setjið hitamæli í blönduna. Það er best að festa mælinn á pottinn. Sjóðið án þess að hræra í blöndunni þar til hitinn nær 160ºC og fjarlægið af hellunni. Þegar litum og bragðefnum er bætt út í er best að leyfa blöndunni að kólna eins mikið og mögulegt er. Leyfið blöndunni því að standa óhreyfðri í um 5-10 mínútur áður en bragð- og litarefnum er bætt í hana. Hellið í mót, á silíkonmottu eða olíuborið bökunarmót. Leyfið isomaltinu að kólna alveg áður en það er tekið úr mótum. Setjið ekki í ísskáp.

Þyngd: 454 gr.