Mynsturmottusett fyrir bollakökur – Ýmis mynstur

Mynsturmottur til þess að búa til mynstur í sykurmassa. Það er ýmist hægt að fá mynstrið upphleypt eða greipt ofan í sykurmassann, eftir því hvernig mottunum er snúið.

Í settinu eru 3 mottur með mismunandi rúmfræðilegum mynstrum. Á hverri mottu eru 4 hringir með sama mynstri. 

Leiðbeiningar: Fletjið sykurmassann út og færið til hliðar. Smyrjið mottuna með smá Palmín feiti eða dreifið flórsykri yfir hana áður en sykurmassinn er settur ofan á hana. Leggið mynsturmottuna á vinnuborðið og setjið sléttu hlið sykurmassans beint ofan á mottuna (hliðin sem snéri upp þegar sykurmassinn var flattur út snýr nú niður að mottunni). Snúið mottunni til þess að stýra því hvort mynstrið komi upphleypt eða greypt ofan í sykurmassann. Rennið kökukefli yfir sykurmassann með töluverðum þunga. Farið aðeins eina umferð með kökukeflinu þar sem mynstrið getur komið margfalt ef farið er fram og til baka. Snúið mottunni við og losið sykurmassann.