Piping gel – Glært – 283 g

Það er hægt að nota glært matargel í ótrúlega margt. Hér eru nokkrar hugmyndir:

Málað á sykurmassa: Blandið gelmatarlit út í gelið og málið beint á sykurmassa. Það er mjög flott að blanda hvítum matarlit í gelið og síðan einhverjum lit. Útkoman verður líkt og olíumálning.

Litað túpugel: Búið til ykkar eigin túpulit til þess að skrifa og gera útlínur. Blandið lit í gelið og jafnvel bragðefni og glimmeri. Setjið í lítinn sprautupoka með fínum kringlóttum stút eða brúsa með fínum stút og strautið á kökuna. Það er líka mjög flott að búa til steint glermynstur með þessari aðferð.

Bindið ysta lag kökunnar: Blandið bragðefni í gelið og berið beint á kökuna með pensli. Leyfið að þorna alveg áður en kremið eða rjóminn er settur yfir. Þetta er gert til þess að binda ysta lag kökunnar og losna þannig við mylsnu í kremið.

Rjómi stífður: Notið um 2 matskeiðar af geli út í um 1 bolla af rjóma og þeytið. Þetta minnkar líkurnar á því að rjóminn byrji að leka.

Ávextir, sykurmassi ofl. lakkað: Til þess að fá háglansáferð á ávexti, sykurmassa ofl. blandið tvær matskeiðar af geli saman við eina matskeið af vatni. Berið á með pensli.

Annað: 1) Setjið örlítinn bláan lit í gelið og sprautuð á köku til þess að búa til vatn, læk eða foss á kökuna. 2) Notið gelið glært og sprautið litlum dropum á kökuna eða skreytingarnar til þess að búa til regndropa. 3) Berið örlítið gel á kökuna til þess að festa glimmer og annan skrautsykur. 4) Litið smá gel með gelmatarlit og málið beint á smákökur. 5) ATH það er ekki mælt með að bera gel á köku ef það á að setja sykurmassa beint yfir. Sykurmassinn getur orðið ljótur eftir nokkra daga.

Þyngd: 283g